لە هەولێر، تیمی بەستنی پێوەری زیرەکی کارەبا بەمەبەستی بەستنی پێوەری زیرەكی كارەبا چوونە گەڕەکی شەهیدان، بەڵام دانیشتووانی گەڕەكەكە ڕێگەیان نەدا كارەكانیان بكەن و لەلایەن ژنانی گەڕەکەکەوە دەرکران.
یەکێک لەو ژنانەی ڕێگری لە تیمی بەستنی پێوەری زیرەکی كارەبا کرد، بە تۆڕی میدیایی ئێستای وت، “ئێمە قوتابخانە و قیرتاوکردنی گەڕەکەکەمان و خزمەتگوزاریمان دەوێت، ئەمانەی هاتوون پێشتر جارێک هاتن و دەرمانکردن، ئێستا هاتوونەتەوە”.
ئەو ژنە دانیشتووەی گەڕەكی شەهیدانی هەولێر نیگەران بوو لەوەی، “حزبەکان لەبەر ململانێی حزبایەتیی خۆیان هیچ خزمەتگوزارییەک بۆ ئێمە ناکەن، ماوەی حەوت ساڵە پارەی قیریان لێوەرگرتووین بەبێ ئەوەی گەڕەكەكەمان قیرتاو کرابێت”.
