زنجیرەیەک تەقینەوە شارەکانی جەلالئاباد و کابول-یان هەژاند و بەهۆیەوە دووكەس كوژران و 19 كەسی دیكەش برینداربوون.
بەپێی هەواڵی میدیاكان، كە زانیارییان لە نەخۆشخانەی جەلالئابادهوه وەرگرتووە، لە سێ ناوچەی جیاوازی ئەو شارە سێ تەقینەوەی لەسەریەك ڕوویانداوە و بەهۆیەوە سێ کەس گیانیان لەدەستداوە و 19 کەسی دیکەش برینداربوون، کە لە نێویاندا منداڵ و چەکدارانی تاڵیبان هەن.
بەپێی وتەی شایەتحاڵەکان لە تەقینەوەکاندا ئۆتۆمبێلەکانی تاڵیبان کراونەتە ئامانج و سێ کەسیش لە تەقینەوەکاندا گیانیان لەدەستداوە.
هەر بەپێی زانیاریی میدیاكان، تەقینەوەیەک لە ڕۆژئاوای کابوڵ ڕوویداوە و تیایدا دوو کەس برینداربوون.
تا ئێستا هیچ لایەنێک بەرپرسیارێتیی خۆی لە تەقینەوەکان ڕانەگەیاندووە.
زیاتر لەمانگێكە ئەفغانستان لەلایەن تاڵیبانەوە كۆنترۆڵكراوە و لە هەفتەی ڕابردووشدا حكومەتی كاتیی پێكهێنا، دوای كۆنترۆڵكردنی وڵاتەكەش لەلایەن ئەو بزوتنەوەیەوە، ئەفغانستان بەدۆخێكی سەختدا تێپەڕدەبێت.
