ڤلادمێر پوتین سەرۆكی ڕوسیا خۆی كەرەنتینە كرد، بەهۆی ئەوەی زۆرێك لە كەسانی دەوروبەری تووشی كۆرۆنا بوون.
كۆشكی سەرۆكایەتیی ڕوسیا ئەمڕۆ سێشەممە لە ڕاگەیەندراوێكدا ئاشكرایكرد، بەهۆی ئەوەی زۆرێك لەو كەسانەی لە دەوروبەری ڤلادمێر پوتین-ن و لە بازنەی كاركردنیدان، تووشی كۆرۆنا بوون، بۆیە ناچاربووە بۆ ماوەیەكی دیاریكراو خۆی كەرەنتین بكات.
دوێنێ پوتین لەكاتی كۆبوونەوەی لەگەڵ ئەندامانی تیمی پارۆڵۆمپی-ی وڵاتەكەی، بەدووری نەزانی بچێتە كەرەنتینەوە، بەو پێیەی كەسانێكی زۆری چواردەوری تووشی پەتای كۆرۆنا بوون.
پێشتریش پوتین بۆ خۆپاراستن لە كۆرۆنا، بۆ ماوەیەكی زۆر لە شوێنی تایبەتدا مایەوە و كارەكانی لە كریملن-ەوە بەڕێوەنەدەبرد.
