کونسوڵخانەی فەڕەنسا لە هەولێر، لەبارەی هێرشەکەی شەوی ڕابردووتری سەر فڕۆکەخانەی هەولێرەوە ڕایگەیاند، “ئەوە دەستدرێژییەکی قبوڵنەکراوە.”
لە ڕاگەیەندراوەکەی کونسوڵخانەی فەڕەنسادا ئاماژە بەوەکراوە، “فەڕەنسا حکومەتی هەرێم دڵنیادەکاتەوە کە هاوسۆزی و پشتیوانیی بەردەوامدەبێت و هیوادارین هەماهەنگی زیاتر لە نێوان هەرێم و بەغدادا هەبێت”.
داواشدەکات، بۆ دووبارەنەبوونەوەی ئەو هێرشانە و سەقامگیریی زیاتر پێویستە هەماهەنگیی تەواو لەنێوان حکومەتەكانی هەرێم و بەغداد هەبێت، ئەوەش بۆ بەرژەوەندیی ئاسایشی هەموو عێراق.
دوای هێرشی سەر فڕۆکەخانەی هەولێر، هەریەک لە ئەمریکا و بەریتانیا و فەڕەنسا، داوای دۆزینەوەی بکەرانی هێرشەکە و هەماهەنگی زیاتری نێوان بەغداد و هەرێم دەکەن، بۆ دووبارەنەبوونەوەی هێرشی هاوشێوە لە عێراق بەگشتی.
