مەکتەبی فاروقی مەلا مستەفا لەبارەی ئەو دەنگۆیانەی گوایە هێزێک چواردەوری مەکتەبەکەیداوە ڕاگەیەندراوێکی بڵاوکردەوە و دەڵێن، “ئەو هەواڵەنە دوورن لە ڕاستییەوە و ئێمە کاری ئاسایی خۆمان دەکەین”.
لە ڕاگەیەندراوەکەی مەکتەبەکەی فاروقی مەلا مستەفادا هاتووە، ” لەچەند میدیایەكی كوردی و عەرەبی بڵاوكراوەتەوە، كە چوار دەوری مەكتەكەی كاك (فاروقی مەلا مستەفا) لە كۆمپانیای ئاسیا گیراوە و فەرمانی گرتنی بۆ دەرچووە، بەبێ ئەوەی ناوی هیچ لایەنێك بهێنرێت.”
ئاماژە بەوەشکراوە، “لێرەوە ڕایدەگەیەنین، هەموو ئەو هەواڵ و بڵاوكراوانە دوورن لە راستیەوە و بەشێوەی ئاسایی كاروبارەكانمان بەڕێوە دەچێت، ئەو كێشە و ململانێیانەی كە ڕوودەدەن هیچ كاریگەرییەكی لەسەر بەڕێوەچوونی ئیشوكارەكانمان نابێت.”
لە ڕاگەیەندراوەکەی مەکتەبی ئەو سەرمایەدارەدا ئەوەشهاتووە، “لێرەوە بە هەموو لایەكی ڕادەگەیەنن ئێمە دوورین لە ململانێی لایەنە سیاسیەكانی ئێستای سلێمانی بەتایبەتی و هەرێمی كوردستان بە گشتی، و دورین لە كێشە ناوخۆییەكانی یەكێتی و ئێمە لە كاروباری حزبایەتی لە هەرێمی كوردستاندا سەربەخۆین.”
