بەیانیی ئەمڕۆ هەینی لە سوپەرمارکێتێکدا لە شاری ئۆکلەند لە نیوزلەندا، لایەنگرێکی داعش بە چەقۆ هێرشیکردە سەر سەردانیکەرانی مارکێتەکە و شەش کەسی کوشت.
جاسیندا ئەردێرن، سەرۆک وەزیرانی نیوزلەندا لەبارەی هێرشەکەوە ڕایگەیاند، “ئەو کەسەی هاوڵاتییانی ئێمەی کوشتووە لایەنگری داعش بووە و ئێمە هێرشی تیرۆرستیمان کراوەتەسەر.”
بکوژەکە دوای کوشتنی شەش کەس و هەوڵدان بۆ بەبارمتەگرتنی خەڵک، لەلایەن پۆلیسەوە تەقەی لێکرا و کوژرا.
بە وتەی سەرۆک وەزیرانی نیوزلەندا، بکوژەکە ساڵی 2011 لە سریلانکاوە گەشتی بۆ نیوزلەندا کردووە و ساڵی 2016 لەکاتی حوکمی داعش لە عێراق و سوریا، بکوژەکە لەژێر چاودێریدا بووە.
نیوزلەندا وڵاتێکی بچووکی زەریای ئارامە و ساڵی 2019ش کردەوەیەکی تیرۆرستی تیایدا ڕوویدا، کاتێک کەسێکی ڕەگەزپەرست بە چەک هێرشیکردە سەر مزگەوتێک و 49 نوێژخوێنی کوشت.
ساتی کوشتنی لایەنگرەکەی داعش لەلایەن پۆلیسەوە
یک فرد چاقو به دست در فروشگاهی در شهر اوکلند نیوزیلند شش نفر را زخمی کرد و سپس به دست پلیس کشته شد. نخست‌وزیر نیوزیلند این فرد را «افراطی خشونت‌طلب» معرفی کرد و گفت: «این حمله تروریستی تحت تاثیر داعش صورت گرفته است» pic.twitter.com/V33SL9g51g
— ايران اينترنشنال (@IranIntl) September 3, 2021
