قائیمقامی قەزای مەخمور ڕایگەیاند، کەمێك پێش ئێستا بۆمبێکی چێندراو بە ئۆتۆمبیلێکی مەدەنیدا تەقیوەتەوە و بەهۆیەوە چوار کەس کوژران و کەسێکی دیکە بریندار بووە.
ڕزگازر ئیسماعیل، قائیمقامی قەزای مەخمور بە تۆڕی میدیایی ئێستای ڕاگەیاند، “بۆمبەکە چێنراو بووە و بە ئۆتۆمبیلێکی مەدەنیدا لە ناحیەی قەراجی سەربە قەزای مەخمور تەقیوەتەوە”.
وتیشی، “لە ئێستادا تیمێک لە هەواڵگری فیرقەی پێنج لە شوێنی ڕوداوەکەن و دوای ئامادەکردنی ڕاپۆرتێک چۆنیەتی ڕوداوەکە ئاشکرا دەکرێت”.
بەپێی زانیارییەکان بۆمبەکە بە ئۆتۆمبیلی یەک خێزاندا تەقیوەتەوە و بەهۆیەوە باوکێک و سێ کوڕ گیانیان لە دەستداوە.
