لە شەڕی نێوان دوو دراوسێدا لە قەزای کەلار، کە پێشتر کێشەی کۆمەڵایەتی لەنێوانیاندا هەبووە دوو برا بە فیشەک برینداربوون و برینی یەکێکیان سەختە.
عەلی جەمال قەدوری وتەبێژی بەڕێوەبەرایەتیی پۆلیسی گەرمیان ڕایگەیاند، ئەو دوو خێزانە کێشەی کۆمەڵایەتیی کۆن لەنێوانیاندا هەبووە و شەوی ڕابردوو بەوهۆیەوە شەڕ لەنێوانیاندا دروستبووە و لە ئەنجامی تەقەکردنەوە دوو کەس برینداربوون.
ئەو دوو کەسەی برینداربوون بران و بەپێی وتەی پۆلیسی گەرمیان برینی یەکێکیان سەختە.
تائێستا تۆمەتبارەکان دەستگیرنەکراون و پۆلیسی گەرمیان دەستی بە لێکۆڵینەوە لە ڕووداوەکە کردووە.
