توێژینەوەیەکی نوێی کۆریای باشوور دەریخستووە، ئەوانەی دوو ژەمی هاوبەشی ئەسترازێنیکا و فایزەر وەردەگرن ڕێژەی بەرگریی جەستەیان شەش جار زیاترە لەوانەی تەنها ڤاکسینی ئەسترازێنیکایان وەرگرتووە.
لە توێژینەوەکەدا 499 کەس لەناوەندەکانی پزیشکیدا بەشدارییان تێداکردووە، 100 لەوانە ڤاکسینی هاوبەشی ئەسترازێنیکا و فایزەریان وەرگرتووە، هەروەها 200 کەسیان دوو ژەمی ڤاکسینی فایزەریان وەرگرتووە و ئەوانی دیکە ڤاکسینی ئەسترازێنیکایان وەرگرتووە.
توێژینەوەکە دەریخستووە، ئەوانەی ڤاکیسنی هاوبەشیان وەرگرتووە (ژمێکی ڤاکسینی ئەسترازێنیکا و ژەمێکی ڤاکسینی فایزەر)، بەرگریی دروستبووی جەستەیان هاوشێوەی ئەوانەن دوو ژەمی فایزەریان وەرگرتووە.
ئەو داتایانە دڵنیایی دەداتە ئەو وڵاتانەی ڤاکسینی ئەسترازێنیکایان گۆڕی بۆ فایزەر و بەشێک لە هاوڵاتییانیان ژەمی یەکەمیان ئەسترازێنیکا و ژەمی دووەم فایزەریان وەرگرت.
توێژینەوەکە باسلەوەدەکات، کە ئەوانەی هەردوو جۆرەکە وەردەگرن بەرگریی جەستەیان شەش هێندەی ئەوانە زیاترە کە تەنها ئەسترازێنیکایان وەرگرتووە.
