وتەبێژی پۆلیسی گەرمیان ڕایگەیاند، گەنجێك لەكاتی مەلەكردن لە ڕووباری سیروان خنكاوە.
عەلی جەمال قەدوری، وتەبێژی پۆلیسی گەرمیان لە ڕاگەیەندراوێكدا ئاماژەی بەوەكردووە، “ئێوارەی ئەمڕۆ پێنجشەممە تەرمی مێردمنداڵێک بەناوی (مەهدی عەباس ئەکرەم ) لەدایکبووی ساڵی 2005 هێنرایە بەشی فریاکەوتنی شەهید هەژار لە کەلار، کە لە ئاوی ڕووباری سیروان خنكابوو” .
باسی لەوەشكردووە، “بەوتەی کەسوکاری ناوبراو دانیشتوی بەغدادە و بەسەردان هاتووەتە قەزای کەلار ئێوارەی ئەمڕۆش بەمەبەستی گەشت لەگەڵ کەسوکارەكەی چونەتە سەر ڕووباری سیروان و لەکاتی مەلەکردندا خنکاوە” .
ڕونیشیكردووەتەوە، “لەئێستادا بەمەبەستی توێکاری تەرمەکەی ڕەوانەی پزیشکی دادوەری قەزای کەلار کراوە”.
