کورتە فیلمێکی کوردی بەناوی “پێشکەش” کە لە گوندێکی دووری ڕۆژهەڵاتی کوردستان بەرهەمهێندراوە، خەڵاتێكی تایبەتی کورتە فیلم لە وڵاتی ڕوسیا وەردەگرێت.
کورتە فیلمەکە لە دەرهێنانی بەختیار خەلیلییە و بەرهەمی حەوزەی هونەری پارێزگای سنەیە و بەهۆی کاریگەری چیرۆک و دیمەنی فیلمەکەوە خەڵاتی تایبەتی لە فێستیڤاڵی یاروسلاوی لە ڕوسیا وەرگرت.
فێستیڤاڵی یاروسلاوی ڕووسیا هەموو ساڵێک لە ژێر ناوی “تۆ تەنیا نیت” لە سەر تەوەری منداڵانی کەمئەندام و خاوەن پێداویستیی تایبەت بەڕێوەدەچێت و چەندین فیلم و کورتە فیلم لە جیهانەوە بەشداری پێدەکرێت.
کورتە فیلمی پێشکەش، چیرۆکێکە لە گوندێکی دووری کوردستان ڕوو دەدات کە کوڕێکی مێردمنداڵ ئامێرێک بۆ دەرمانی سەرئێشەکەی دایکی لە شارەوە دێنێت و هەر جارێک کە دەیەوێت بەکاری بێنێت شتێک ڕوودەدات.
