بەرپرسی نوسینگەی کەنەدا لە هەولێر لەبارەی پەسەندکردنی سزای بەندکراوانی بادینانەوە دەڵێت، نائومێدە.
ئاشڵی دورێک، بەرپرسی نوسینگەی کەنەدا لە هەولێر ڕایگەیاند، “نائومێدین لە پەسەندکردنی بڕیاری دادگا سەبارەت بە سزای ڕۆژنامەنووسانی بادینان”.
Disappointed with yesterday’s Appeals Court decision upholding the sentencing of Sherwan Sherwani, Shvan Saeed, Ayaz Karam, Hariwan Issa, and Guhdar Zebari. The unhindered work of journalists is key to an open and informed society.#JournalismIsNotACrime
— Ashley Durec 🇨🇦 (@AshleyDurec) June 28, 2021
کاردانەوەی وڵاتی کەنەدا لە کاتێکدایە، کاردانەوە نێودەوڵەتییەکان سەبارەت بە پەسەندکردنی سزای بەندکراوانی بادینان بەردەوامە و باڵیۆزی یەکێتیی ئەوروپا لە عێراق بڕیارەکە بە ڕێکارێکی نایاسایی و دوور لە مافی مرۆڤ ناودەهێنێت.
مارتین هوس، باڵیۆزی یەکێتیی ئەوروپا لە عێراق، لەبارەی پەسەندکردنی سزای بەندکراوانی بادینانەوە ڕایگەیاندبوو، “نیگەران بووم لە ئەو بڕیارەی دەرچوو لەلایەن دادگای هەولێر و جەخت لەسەر ئەوە کراوەتەوە ئەو پێنج ڕۆژنامەنووس و چالاکوانانە 6 ساڵ بەند دەکرێن، سەرەڕای ئەو ڕێکارە ناڕاست و ناتەندروستەی بەرامبەریان کراوە، کە لەلایەن نەتەوە یەكگرتووەکانەوە ئاماژەی پێکراوە”.
