ئەمشەو، یەکشەممە ڕوبەڕوبوونەوەیەکی دیکەی قۆناغی (16)ی یورۆی 2020 ئەنجامدرا، هەڵبژاردەی بەلجیکا بردنەوەی بەرامبەر پۆرتوگال تۆمارکرد.
لە ڕوبەڕوبوونەوەیەکی بەهێزدا، هەڵبژاردەی بەلجیکا لە یاریگای لاکارتۆخا لە ئیسپانیا یاری قۆناغی 16ی یورۆی 2020ی بەرامبەر هەڵبژاردەی پۆرتوگالی پاڵەوانی وەشانی ڕابردوو ئەنجامدا، یارییەکەش بە ئەنجامی گۆڵێکی بێبەرامبەر لەبەرژەوەندی بەلجیکا کۆتاییهات.
گۆڵەکەی بەلجیکا لە خولەکی 43 لەلایەن تۆرگان هازاردەوە تۆمارکرا.
https://streamable.com/os6455
بەپێی ئەنجامی تۆمارکراوەکە، بەلجیکا بووە چوارەمین هەڵبژاردە دوای دانیمارک و ئیتاڵیا و چیک سەرکەوتن بۆ قۆناغی چارەکی کۆتایی جامی نەتەوەکانی ئەوروپا تۆماردەکات، لە قۆناغی داهاتووشدا ڕوبەڕوی هەڵبژاردەی ئیتاڵیا دەبنەوە، هەڵبژاردەی پۆرتوگالی پاڵەوانی وەشانی ڕابردووش کە هیوایەکی زۆریان پێدا هەڵواسرابوو ماڵئاواییان لە پاڵەوانێتییە ئەوروپییەکە کرد.
