وتەبێژی وەزارەتی ئەوقافی هەرێمی كوردستان ڕایدەگەیەنێت، تائێستا بەفەرمی دیارنیە كەی یەكەم ڕۆژی جەژنی قوربانە، بەڵام پێشبینی دەكات 20ی تەمموز یەكەم ڕۆژی جەژن بێت.
نەبەز ئیسماعیل، وتەبێژی وەزارەتی ئەوقاف و كاروباری ئاینیی هەرێمی كوردستان بە تۆڕی میدیایی ئێستای ڕاگەیاند، “10 ڕۆژ پێش جەژن سعودییە بە فەرمی یەكەم ڕۆژی جەژنی قوربان دیاریدەكات”.
وتیشی، “پێشبینی ئەوە دەكەم 2021/7/20 جەژن بێت، بەڵام بەهۆی ئەوەی فەریزەی حەج هەیە و سعودییە بەڕێوەیدەبات، ئەوان دیاریدەكەن كەی وەستان لەبەردەم كێوی عەرەفەیە و كەی دەبێتە یەكەم ڕۆژی جەژنی قوربانە”.
ڕوونیشیكردەوە، “ڕەنگە 19 مانگ وەستان بێت لەكێوی عەرەفە و 20ی مانگیش جەژن بێت، بەڵام بەفەرمی دیارنیە كەی جەژن دەبێت و ئەگەری بەهێز ئەوەیە لە نێوان 19 و 20 مانگی 7 بێت”.
