وتەبێژی بەرگری شارستانی هەڵەبجە ڕایگەیاند، بەهۆی هەورەبروسكە و ڕەشەباوە لە 10 شوێنی پارێزگای هەڵەبجە ئاگر كەوتوەتەوە و حەوتیان كۆنترۆڵكراوە.
نقیب زانیار عومەر، وتەبێژی بەرگری شارستانی هەڵەبجە ڕایگەیاند، “ئەمڕۆ بەهۆی ئەو شەپۆلی هەورە بروسکە و ڕەشەباوە، ئاگر لە چەندین شوێنی پارێزگای هەڵەبجە کەوتوەتەوە، کە سەرجەمیان 10 ئاگر بووە و تا ئێستا حەوتیان کۆنتڕۆڵ کراوە”.
باسیلەوەشكرد، “بەهۆی ڕەشەباوە، زیان بەر گەنمی جوتیاران كەوتووە و سێ ئاگر لە وشکەناو و یاڵانپێ و ملەی دارێی نەوڕۆڵی کۆنتڕۆڵ نەکراون، لە ئێستادا سەرجەم تیمەکانمان خەریکی کۆنتڕۆڵ کردنی ئەو سێ ئاگرەن”.
