وەزارەتی تەندروستیی هەرێمی کوردستان، ئاماری 24 کاتژمێری ڕابردووی توشبوون و گیانلەدەستدانی بە کۆرۆنا بڵاوکردەوە و ڕایگەیاند، 785 کەس تووشی کۆرۆنا بوون و 12 کەسیش گیانیانلەدەستداوە.
لە ڕاگەیەندراوێکدا وەزارەتی تەندروستیی هەرێمی کوردستان بڵاویکردەوە، “147 کەس لە هەولێر، 324 لە سلێمانی، 234 دهۆک، 13 لە هەڵەبجە، 42 لە گەرمیان و حەوت کەسیش لە ڕاپەڕین تووشی ڤایرۆسەکە بوون”.
بەپێی ئامارەکەی وەزارەتی تەندروستی، لە شەو و ڕۆژی ڕابردوودا 882 کەس چاکبوونەتەوە.
لە ڕاگەیەندراوەکەدا هاتووە، دوو کەس لە هەولێر، سێ کەس لە سلێمانی پێنج کەس لە دهۆک و لەهەریەکە لە گەرمیان و ڕاپەڕینیش کەسێک گیانیان لەدەستداوە.
بەپێی ئامارە فەرمییەکانی وەزارەتی تەندروستیی هەرێمی کوردستان تاوەکو ئێستا 164 هەزار و 451 کەس تووشی کۆرۆنا بوون، لەو ژمارەیەش 148 هەزار و 289 کەس چاکبوونەتەوە و 11 هەزار و 955 کەسیش لەژێر چارەسەردان و چوار هەزار و 207 کەسیش گیانیانلەدەستداوە.
