لە سنووری ئیدارەی گەرمیان، لە ڕۆژانی جەژنی ڕەمەزاندا، شەش ڕووداوی هاتوچۆ ڕوویانداوە، 623 کەس سەردانی نەخۆشخانەیان کردووە و سێ کەسیش گیانیان لەدەستداوە.
لەوبارەیەوە ڕزگار لەتیف، جێگری بەڕێوەبەری نەخۆشخانەی فریاکەوتنی شەهید هەژار بە تۆڕی میدیایی ئێستای وت، “لە سێ ڕۆژی جەژندا 632 کەس سەردانی نەخۆشخانەیان کردووە و 13 نەشتەرگەری ئەنجامدراوە، سێ کەسیش گیانیان لەدەستداوە”.
لەلایەکی دیکەوە موقەدەم عەبدولڕەحمان، وتەبێژی بەڕێوەبەرایەتیی هاتوچۆی گەرمیان بە تۆڕی میدیایی ئێستای ڕاگەیاند، “لە ڕۆژانی جەژندا شەش ڕووداوی هاتوچۆ ڕوویانداوە و لە کۆی ڕووداوەکان 10 کەس برینداربوون”.
ئاماژەی بەوەشکردووە، ڕووداوەکانی هاتوچۆ دووانیان لەناو کەلاردا ڕوویانداوە، چواریشیان لە ناحیەی ڕزگاری بووە.
