ئێوارەی ئەمڕۆ لەکاتی هەوڵدان بۆ ڕزگارکردنی منداڵە شەش ساڵانەکەیان دایک و باوکێک لە ئاوی گەلی عەلی بەگدا خنکان.
بارزان محەمەد، بەرێوبەری گەشت و گوزاری سۆران، بە تۆڕی میدیایی ئێستای وت، “ئەو دایک و باوکە کاتێک منداڵەکەیان کەوتووەتە ئاوەکەوە، هەوڵی ڕزگارکردنیانداوە، بەڵام هەردووکیان و منداڵەکەشیان خنکاون”.
وتیشی، “تا ئێستا تەنها تەرمی دایکەکە دۆزراوەتەوە و گەڕان بەدوای تەرمەکانی دیکەدا بەردەوامە”.
بەپێی وتەی بەرێوبەری گەشت و گوزاری سۆران ئەو شوێنە لە دەرەوەی سنوری هاوینەهەواری گەلی عەلی بەگە و پێشتریش بەرگریی شارستانی سۆران بە تابلۆیەک هۆشداریداوە لە مەلەکردن لەو شوێنەدا.
بەپێی زانیارییەکانی بەرێوبەری گەشت و گوزاری سۆران ئەو خێزانە خەڵکی شەنگالن و شوێنی دانیشتنەکەیان لە دەرەوەی سنوری هاوینە هەوارەکە بووە.
