وەزارەتی بازرگانی و پیشەسازی، ئەمڕۆ سێشەممە ئاماری چالاکییەکانی لیژنەکانی قائیمقامیەتی هەرسێ پارێزگاکەی هەرێمی کوردستانی بڵاوکردەوە و ڕایگەیاند، لە مانگی ڕەمەزاندا دەستبەسەر 34 هەزار و 327 تۆن خۆراک و کەلوپەلی ماوەبەسەرچوودا گیراوە.
لە ڕاگەیەندراوێکدا وەزارەتی بازرگانی و پیشەسازیی هەرێمی کوردستان بڵاویکردەوە، “لە مانگی ڕەمەزاندا لەهەرسێ پارێزگای هەولێر، سلێمانی، دهۆك و ئیدارەی گەرمیان تیمەکانی چاودێریی بازرگانی، نۆ هەزار سەردانیان بۆ شوێن و دوکان و مۆڵ و شوێنە بازرگانیەکان کردووە و 197 سەرپێچیی جۆراوجۆریشیان تۆماركردووە”.
ئاماژە بەوەشدەکات، “لە هەرسێ پارێزگاکە و ئیدارەی گەرمیان لە ماوەی مانگی ڕەمەزاندا 34 تۆن و 327 کیلۆگرام خۆراک و کەلوپەلی ماوەبەسەرچوو دەستیبەسەرداگیراوە، 33 کۆگا و دوکان و شوێنی بازرگانی داخراون”.
لە ڕاگەیەندراوەکەدا هاتووە، لەو ماوەیەدا بڕی 16 ملیۆن دینار غەرامە، بۆ ئەو شوێنانە کراوە، کە سەرپێچیی ڕێنماییەکانیان کردووە.
