ماوەی پێنج ڕۆژە بە بەشداری 5 هەزار ئەندامی ئاسایشی ناوخۆ لە ڕۆژئاوای کوردستان هەڵمەتی دەستگیرکردن و پاکسازی لە کەمپی هۆل و چەند ناوچەیەکی دیکە دەستیپێکردووە و لەو چەند ڕۆژەدا زیاتر لە ٨٠ ئەندامی داعش دەستگیرکراون.
هێزەکانی ئاسایشی ناوخۆ لە ڕۆژئاوای کوردستان لە ڕاگەیەندراوێکدا ئاشکرایکردووە، “لە درێژەی هەڵمەتی “ئەمنی و مرۆیی”دا لە کەمپی هۆل و دەوروبەری زیاتر لە 80 ئەندامی داعش و گومانلێکراو دەستگیرکراون”.
پێشتر ئاسایشی ناوخۆ ڕایگەیاندبوو، ” لەناو دەستگیرکراوەکاندا “ئەبو سەعدی عێراقی” هەیە کە سەرکردەیەکی دیاری داعشە و خۆی لە کەمپەکەدا حەشاردابوو.
کەمپی هۆل 72 هەزار ژن و منداڵی چەکدارانی داعشی تێدایە، هەرچەندە زۆربەی دانیشتووانی بە ڕەگەز عیراقی و سورین، بەڵام 10 هەزار كەسی خاوەن ڕەگەزنامەی 57 وڵاتی دیكەی تێدایە، ئەوان لە جێگایەكی زۆر پارێزراودا داندراون كە ناوی “پاشكۆ”ی لێ نراوە، كە تا ئێستا زۆربەیان هەواداری سەرسەختی داعشن.
دانیشتووانی “پاشكۆ” بە مەترسیدارترین پاڵپشتیكاری داعش هەژمار دەكرێن، بەڵكو هەندێك پێیان وایە سەرچاوەی كوشتنەكانی نێو كامپەكە ئەوان بن.
بەردەوام هەوڵی ئەوە دەدەن، وا لە دانیشتووانی كامپی هۆل بكەن، هەماهەنگی لەگەڵ دەسەڵاتدارانی كوردی نەكەن و گوێڕایەڵیان نەبن.
حملة “الإنسانية والأمن” تنهي اليوم الخامس من تمشيط مخيّم الهول
أنهت “حملة الإنسانية والأمن”، التي أطلقتها قوى الأمن الداخلي بهدف تطهير مخيم الهول من خلايا داعش، يومها الخامس.🌎https://t.co/mFDHez1vfY pic.twitter.com/kslxm2UrQb
— hawarnews (@hawarnews) April 1, 2021
