تەندروستیی هەرێم ئاماری كۆرۆنای بڵاوكردەوە، لە 24 كاتژمێردا نزیكەی هەزار كەس لە هەرێم تووشی كۆرۆنا بوون و 10 كەسیش گیانیان لەدەستداوە.
وەزارەتی تەندروستیی هەرێمی كوردستان لە ڕاگەیەندراوێكدا لەبارەی ئاماری 24 كاتژمێری ڕابردووی پەتای كۆرۆنا، ئەمڕۆ چوارشەممە 31ی ئازار، ڕایگەیاند، “لە هەرێمی كوردستان 981 كەسی نوێ تووشی كۆرۆنا بوون، زۆرترین ژمارەی توشبوونیش لە پارێزگای دهۆكە بووە كە 449 كەس توشبوون”.
لەبارەی مردن بە كۆرۆنا وەزارەتی تەندروستیی هەرێم ئاشكرایكردووە، “لەو ماوەیەدا 10 كەس لە هەرێمی كوردستان بە پەتای كۆرۆنا مردوون، سێ كەسیان لە هەولێر و سێ كەس لە سلێمانی و چوار كەسێكیش لە دهۆك بوون”.
بەگوێرەی ڕاگەیەندراوەكەی وەزارەتی تەندروستی، ژمارەی ئەو كەسانەی لە ماوەی 24 كاتژمێردا چاكبوونەتەوە، بریتین لە 428 كەس.
