گروپی چەکداری “نەسروڵا”ی سەربە حوسییەکان ئاشکرایکردووە بە چەند فڕۆکەیەکی بێ فڕۆکەوانی بۆمبڕێژکراو هێرشیانکردووەتەسەر چەند ئامانجێک لەناو سعودییەدا، لەوانە دامەزراوە نەوتییەکان.
ئاژانسی ڕۆیتەرز ڕایگەیاندووە، “ئەمڕۆ یەکشەممە 7 ی ئازار دەنگی چەند تەقینەوەیەک لە شاری زەهران لە سعودییە بیستراوە”.
هاوکات کەناڵی ئەلعەرەبییەی سعودی ڤیدیۆیەکی بڵاوکردووەتەوە کە “سوپای سعودییە چەند فڕۆکەیەکی بێ فڕۆکەوانی حوسییەکان دەکەنە ئامانج”.
ائتلاف عربی تصاویری از رهگیری و انهدام دو پهپاد بمب‌گذاری شده از نوع «صماد» که پیکارجویان حوثی امروز به سوی سعودی روانه کرده بودند را منتشر کرد
#العربیه_فارسی https://t.co/fHt3iZVw6z pic.twitter.com/sF8zQgYOly— العربیه فارسی (@AlArabiya_Fa) March 7, 2021
شاری زەهران، ئەو شوێنەی هێرشەکەی کراوەتەسەر دەکەوێتە پارێزگاکانی ڕۆژهەڵاتی سعودییەوە و بە ناوچەیەکی وەبەرهێنەر و پیشەسازی جۆراوجۆر دادەنرێت و هاوکات لەو ناوچەیە بنکەی سەربازیی ئەمریکی و نوسینگەی سەرەکی ئارامکۆشی تێدایە.
ئەو شارەی حوسییەکان هێرشیان کردووەتەسەری لە خاکی یەمەنەوە دوورە و دەکەوێتەسەر ئاوەکانی کەنداو، زیاتر لە خاکی عێراقەوە نزیکە تا وڵاتی یەمەن.
