باڵیۆزخانەی ئەمریکا لە بەغداد هۆشداری دەداتە هاوڵاتییانی لە عێراق و هەولێر لەکاتی سەردانی پاپا مەترسی لەسەر ژیانیان هەیە.
لە ڕاگەیەندراوێکدا باڵیۆزخانەی ئەمریکا لە بەغداد دەڵێت، “داوا لە هاوڵاتییانی ئەمریکی دەکەین نزیک نەبنەوە لەو مەراسیم و قەلەباڵخییەی بەهۆی هاتنی پاپا فرانسیسەوە لە بەغداد و هەولێر دروست دەبێت، چونکە ئەگەری هەیە گروپەکانی دژ بە ئەمریکا مەترسی لەسەرتان دروست بکەن”.
باڵیۆزخانەکە ڕایگەیاندووە، “ئەگەری هەیە لە سەروبەندی هاتنی پاپادا گروپە چەکدارەکان وەک داعش و گروپە چەکدارییەکانی دیکە مەترسی لەسەر ژیانی ئەمریکییەکان دروستبکەن”.
باڵیۆزخانەی ئەمریکا ڕۆژی پێنجشەممەی ڕابردووش بەهەمان شێوە هۆشداریدابوو بە ئەمریکییەکان لە عێراق ئەگەری هێرش بۆسەریان هەیە.
