بەگوێرەی پێشبینییەكانی كەشناسیی هەرێم، ئەمڕۆ و سبەی لە زۆربەی ناوچە شاخاوییەكان ئەگەری بارینی بەفر هەیە و پلەكانی گەرما دادەبەزن.
بەڕێوبەرایەتیی كەشناسی و بومەلەرزەزانیی هەرێم ئەمڕۆ پێنجشەممە 18ی شوبات، پێشبینییەكانی كەشوهەوای بڵاوكردووەتەوە، ئەمڕۆ لە زۆربەی شارەكانی هەرێمی كوردستان ئاسمان هەور دەبێت، لەگەڵ بارینی باران و بەفر لە ناوچە شاخاوییەكان.
بۆ سبەی هەینی پێشبینی كراوە، پلەی گەرما بە تەواوی دابەزێت و لە ناوچە شاخاوییەكان بەفر ببارێت و نزمترین پلەی گەرماش لە پارێزگای سلێمانی تۆمار دەكرێت كە 5 پلە دەبێت.
