وتەبێژی هاوپەیمانیی دژی داعش لەبارەی موشەکبارانکردنی شاری هەولێرەوە ڕایگەیاند، “موشەکەکان کە هاوێژراون 14 موشەک بوون و نۆ ئەندام و هاوکاری هاوپەیمانان بریندار بوون”.
وەین مارۆتۆ، وتەبێژی هاوپەیمانی دژی داعش لە ڕاگەیەندراوێکدا بەیانی ئەمڕۆ 16ی شوبات ڕایگەیاند، “لە هێرشە موشەکییەکەدا بەڵێندەرێك كوژراوە كە (ئەمریكی نییە) و نۆ کەسی دیکەش بە شێوازی جیاواز بریندار بوون”.
Update: CJTF-OIR confirms approx. 14 107 mm rockets launched with 3 impacting within EAB, Feb 15 at 2130 hours (Iraqi time).
One civilian contractor was killed (Not US), and 9 injured ( 8 CIV contractors/ 1 US MIL) – 4 US/ 1 US MIL concussion protocol.— OIR Spokesman Col. Wayne Marotto (@OIRSpox) February 16, 2021
بەپێی زانیارییەکانی وتەبێژەکەی هاوپەیمانان “لەو نۆ کەسەی کە بریندار بوون، پێنجیان زەبر بەر سەریان کەوتووە و چارەسەری پێویستیان بۆ دەکرێت”.
کاتژمێر 9:30 خولەکی شەوی ڕابردوو، بە 14 موشەک هێرشکرایە سەر بنکەی سەربازیی ئەمریکی لە نزیک فڕۆکەخانەی هەولێر و بەشێک لە موشەکەکانیش لە شوێنی نیشتەجێبوون کەوتنەخوارەوە.
