وتەبێژی جێگری سەرۆکی ئەنجومەنی وەزیران ئاشکرایکرد، ئێوارەی ئەمڕۆ 14ی شوبات، شاندی هەرێم بەرەو بەغداد بەڕێکەوتوون و بڕیارە درێژە بە کۆبوونەوەکان بدەن لەسەر پشکی هەرێم و ئەرک و مافەکانی هەردولا.
سەمیر هەورامی، وتەبێژی جێگری سەرۆکی ئەنجومەنی وەزیران، بە تۆڕی میدیایی ئێستای ڕاگەیاند، ” شاندی باڵای حكومەتی ھە‌رێمی كوردستان، بە‌سە‌رۆكایە‌تی قوباد تاڵە‌بانی، بەرەو بە‌غدا بە‌ڕێكە‌وتنە‌وە، بە‌مە‌بە‌ستی درێژەپێدان بە‌گفتوگۆكان لە‌گە‌ڵ لیژنە‌ی دارایی پە‌رلە‌مان و كوتلە و لایە‌نە سیاسییە‌كانی عێراق، سە‌بارە‌ت بە پڕۆژە یاسای بودجە‌ی 2021 ی عێراق و پە‌سە‌ندكردنی ئە‌و بڕگانە‌ی كە پە‌یوە‌ستن بە ھە‌رێمی كوردستانە‌وە لەو پڕۆژە یاسایە”.
ئەوەشی ئاشکرا کردووە، ” لە‌سە‌ردانە‌كانی پێشووی شاندی حكومەتی ھە‌رێم و كۆبوونە‌وە‌كان لە‌گە‌ڵ حكومەتی فیدڕال و لایە‌نە پە‌یوە‌ندیدارە‌كان، ڕاشكاوانە ھە‌موو داتا و زانیارییە‌كان لە‌بارە‌ی داھاتە نە‌وتی و نا نە‌وتییە‌كان و ھە‌روە‌ھا خە‌رجییە‌كان خراونە‌تە‌ڕوو”.
بەپێی زانیارییەکانی تۆڕی میدیایی ئێستا، شاندی حكومەتی ھە‌رێم ھە‌موو ئامادە‌ییە‌كی دە‌ربڕیوە بۆ ڕێككە‌وتن لەسەر بنە‌مای دە‌ستور و یاسا بە‌ركارە‌كان.
