ئەمشەو، یەکشەممە یانەی مانچستەر سیتی یاری هەفتەی 23ی پریمەرلیگی بەرانبەر لیڤەرپوڵ ئەنجامدا و بردنەوەی تۆمارکرد.
سیتی گواردیۆلا لە یاریگای ئانفێڵد ڕۆدز بووە میوانی لیڤەرپوڵ، یاری نێوانیان بە ئەنجامی چوار گۆڵ بەرانبەر گۆڵێک لە بەرژەوەندی شارنشینەکان کۆتاییهات.
گۆڵەکاانی مانچستەر سیتی لە خولەکەکانی 49 و 73 و 76 و 83 لەلایەن ئیڵکای گۆندوگان (دوو گۆڵ)، ڕەحیم ستێرلینگ، فیڵ فۆدین، تاکە گۆڵەکەی ڕێدز لە خولەکی 63 لەلایەن محەمەد سەڵاحەوە (پەناڵتی) تۆمارکران.
بەپێی ئەنجامە تۆمارکراوەکە، یانەی مانچستەر سیتی ژمارەی خاڵەکانی لە کۆی 22 گەڕی پریمەرلیگ گەیاندە 50 و لەلوتکەی ڕیزبەندی یانەکاندا جێگیربوو، لە بەرانبەردا یانەی لیڤەرپوڵ بە 40 خاڵەوە بۆ پلەی چوارەم دابەزی.
https://streamable.com/trqgk7
شایەنی ئاماژە بۆکردنە، لە ئێستادا سیتی کە خاوەنی 50 خاڵە لە لوتکەی ڕیزبەندی یانەکانی پریمەرلیگ بە جیاوازی پێنج خاڵ پێش نزیکترین ڕکابەری کەوتووە، کە یانەی مانچستەر یونایتدە لە پلەی دووەمدا.
