بەڕێوەبەری نەخۆشخانەی منداڵان لە سلێمانی، ڕایگەیاند، ئەمساڵ ڕێژەی تووشبوون بە سکچون و ڕشانەوە کەمە.
د. کۆیان زاهیر، بەڕێوەبەری نەخۆشخانەی منداڵان لە سلێمانی، لە کۆنفرانسێکی ڕۆژنامەوانیدا ڕایگەیاند، ئەمساڵ بەگوێرەی ئەوەی کەشوهەوا لەپڕ گەرم نەبوو، ڕێژەی تووشبوون بە سکچون و ڕشانەوە لەناو منداڵاندا کەمە.
وتیشی، “ئێستا چەند حاڵەتێکی سکچون و ڕشانەوە هەن کە هیچیان توند نین و دۆخەکە کۆنتڕۆڵە”.
ئەو پزیشکە ڕوو بە دایکان و باوکان، وتی، “پێویستە پاکوخاوێنی ڕابگرن و بە تەواوی ئاگاداری منداڵەکانیان بن، بەتایبەت کاتێک دەچن بۆ سەیرانگە یان مەلەوانگەکان، هەروەها دەست شوشتن زۆرگرنگە، ئەوانەی کە شیری قوتو دەدەن بە منداڵەکانیان پاککردنەوەی مەمەی شیرەکەیان زۆرگرنگە و ئەو ئاوەی کە بۆ شیر بەکاریدەهێنن دەبێت زۆر ئاگاداری بن”.
