کارکردنی سیستمی کامێراکانی چاودێریی تیژڕەویی خاڵ بۆ خاڵ لە نێوان ڕێگەی کفری – کەلار کەوتە بواری جێبەجێکردنەوە.
سامان عەلی، وتەبێژی بەڕێوەبەرایەتیی هاتوچۆی گەرمیان ڕایگەیاند، ئەمڕۆ یەکشەممە، سیستمی کامێراکانی چاودێریی تیژڕەویی خاڵ بۆ خاڵ لە نێوان ڕێگەی کفری –
کەلار کەوتنەکار.
ئاماژەی بەوەشکرد، لە هەردوو ئاراستەی چوون و هاتن 16 کامێرای تیژڕەویی خاڵ بۆ خاڵ دانراون و سەرپێچییەکان تۆماردەکەن.
هاوکات ئاگاداری شۆفێرانی کرد، کە لەمڕۆوە کامێراکان سەرپێچییەکان تۆماردەکەن و وتی، “داوامان وایە پابەندی ڕێنماییەکان بن”.
