جوتیار مەحمود ڕایدەگەیەنێت، پەیامەکەی سەرۆک بافڵ بە ئاڕاستەی میدیاکان و ڕەچاوکردنی بارودۆخەکە، دەرخەری ئەوەیە یەکێتی نیەتی لێکنزیکبوونەوەی هەیە.
جوتیار مەحمود، کادیری یەکێتیی نیشتمانیی کوردستان لە دیدارێکی تەلەڤزیۆنیدا ڕایگەیاند، “پەیام و دەستپێشخەرییەکەی سەرۆک بافڵ بۆ میدیاکانی یەکێتی سەبارەت بە ڕەچاوکردنی بارودۆخەکە و نیەتی لێکنزیکبووە، ئەوە نیشان دەدات کە یەکێتی هەرگیز هۆکاری کێشەکان نەبوو، بەڵکو یەکێتی دەتوانێت لەسەر بنەمای هاوبەش لەگەڵ هەموو حزب و لایەنەکان بگونجێت”.
دەشڵێت، “هەڵەیە ئەگەر کار لەسەر ئەوە بکەین یەکتریی بسڕینەوە، هاوڵاتییان لەمە زیان دەکەن، ئێمە پێکەوە ڕاپەڕینمان کردووە و ڕژێمی بەعسمان بەچۆکداهێنا، ئیتر بۆ نەتوانین لەگەڵ یەکتری کۆببینەوە و هەڵسوکەوت بکەین، دەبێت پێمان خۆشبێت کە پەرلەمانێکمان هەبێت چاودێربێت بەسەر حکومەتەوە”.
