وەزارەتی خوێندنی باڵا و توێژینەوەی زانستی ئەنجامی تاقیکردنەوەی خولەکانی زمانی ئینگلیزی لە سەنتەرەکانی زمان لە زانکۆکانی هەرێم رایگەیاند.
وەزارەتی خوێندنی باڵا و توێژینەوەی زانستیی هەرێم بڵاویکردەوە، “دوای ئەنجامدانی پڕۆسەی تاقیکردنەوەی کۆتایی خولەکانى زمانی ئینگلیزی لە سەنتەرەکانی زمانی زانکۆ حکومیەکانی ھەرێمی کوردستان، ئەمڕۆ ئەنجامە بەراییەکان رادەگەیەنرێن و بەشداربووان دەتوانن سەردانی ئەکاونتەکانیان بکەن بۆ وەرگرنتی ئەنجامەکان”.
ئاماژەی بەوەشکرد، “بەشداربووانی دەرچوو لە ئەمڕۆوە دەتوانن سەردانی سەنتەری زمانی زانکۆکان بکەن بۆ مەبەستی وەرگرتنی پشتگیری دەرچوون لە ئاست و خولەکان تاوەکو ئەوانەی پێشکەشی خویندنی باڵا(دبلۆمی باڵا و ماستەر و دکتۆرا) لە زانکۆکانی کوردستان دەکەن بتوانن بۆ مەبەستی وەرگرتنی خاڵ لە پرۆسەی پێشبرکێی خاڵبەندی لەسەر کورسییەکان بە پێی پلان بەکاری بھێنن و ھەژماری بکەن”.
تاقیکردنەوەی خولەکانی زمانی ئینگلیزی لە رۆژانی شەممە و یەکشەممە 27 و 28 ی ئەم مانگە بەرێوەچوون و تیایدا هەزار و 141 بەشداربوو تاقیکردنەوەی کۆتایی خولەکانى زمانی ئینگلیزی لە سەنتەرەکانى زمانى زانکۆ حکومییەکانی کوردستان ئەنجامدا”.
