دۆناڵد ترەمپ، سەرۆکی ئەمریکا دووپاتی دەکاتەوە، ڕێککەوتنی ئاگربەست لەگەڵ ئێران تائێستاش لە بواری جێبەجێکردندایە.
دۆناڵد ترەمپ بە کەناڵی ئەی بی سی نیوزی ئەمریکیی ڕاگەیاند، ئەو هێرشانەی ئەمریکا وەک تۆڵەسەندنەوە بۆ سەر ئامانجە ئێرانییەکان تەنیا لێدانی سووک بوون و جەختیشی لەوەکردەوە، “هێشتا ئاگربەستەکە ماوە”.
ئاماژەی بەوەشکرد، “سێ کەشتیی جەنگیی ئەمریکی بە سەرکەوتوویی گەرووی هورمزیان تێپەڕاندووە بەبێ ئەوەی هیچ زیانێکیان بەربکەوێت، لەکاتێکدا ئێرانییەکان زیانێکی بەرچاویان بەرکەوتووە”.
