لەتیف نێروەیی ڕایدەگەیەنێت، پارتی گلەییمان لێدەکەن لەگەڵ نەوەی نوێ هاوپەیمانیمان پێکهێناوە.
لەتیف نێروەیی، لێپرسراوی بۆردی ڕاگەیاندنی یەکێتیی نیشتمانیی کوردستان لە لێدوانێکدا ڕایگەیاند، یەکێتی هیچ کاتێک دەرگای دانوستانی دانەخستووە، دەمانەوێت لەپێناو گەیشتنە چارەسەر و هاتنەکایەی حکومەتێکی خزمەتگوزار، دانوستانێکی شەفاف و هاوسەنگ ئەنجامبدەین.
وتیشی، پارتی گلەیی ئەوەمان لێدەکات، کە نەدەبوو یەکێتی و نەوەی نوێ ڕێککەوتن بکەن و هاوپەیمانێتی دروستبکەن، بەڵام ئەم ڕەخنەیە لە وڵاتێکی دیموکراسی، فرەحزبی و پەرلەمانی شوێنی نابێتەوە، کەواتە ئەمە چی مانایەک بۆ ئازادی سیاسی دەهێڵێتەوە؟
