پۆلیسی پارێزگای سلێمانی، ڕایگەیاند، مەفرەزەکانی بنکەی پۆلیسی شارەزووری سەر بە بەشی پۆلیسی شارەزووری بەڕێوەبەرایەتیمان تۆمەتبارێکیان بەتۆمەتی کـ.ـوشتنی براکەی دەستگیرکرد.
بەڕێوەبەرایەتیی پۆلیسی پارێزگای سلێمانی، ڕایگەیاند، دوای ئەوەی لە ڕووداوێکدا لە قەزای شارەزوور تۆمەتبارێک بە چـ.ـەقۆ برایەکی خۆی کـ.ـوشت، دەستبەجێ هێزەکانی پۆلیس گەیشتنە شوێنی ڕووداوەکە و لەلایەن تیمەکانی بەڵگەی تاوان کەشف و هێڵکاری بۆ شوێنی ڕووداوەکە ئەنجامدرا و لێکۆڵینەوە لە ڕووداوەکە دەستیپێکرد، دادوەر فەرمانی دەستگیرکردنی بۆ تۆمەتبار دەرکرد.
دەشڵێت، سەرەنجام و دوای ناچارکردنی لەلایەن هێزەکانی پۆلیسەوە، تۆمەتباری ڕووداوەکە بەناوی (ئـ، ئـ، ع لەدایکبووی 2006) خۆی ڕادەستی بنکەی پۆلیسی شارەزوور کرد و ئێستا بە بڕیاری دادوەر و بەپێی مادەی (406) لە یاسای سزادانی عێراقی ڕاگیراوە و لێکۆڵینەوە لە ڕووداوەکە بەردەوامە.
