سالار حاجی عەلی، شارەزای بواری گەردوونی ڕایگەیاند، لە ئێوارەی ڕۆژی 18ـی ئازار لە هیچ وڵاتێک مانگ نابیندرێت، بەڵکو لە بەرەبەیانی ڕۆژی 19ـی مانگ لە هەرێمی کوردستان مانگ نوێدەبێتەوە.
ئاماژەی بەوەشدا، سەرلەبەیانیی ڕۆژی 19ـی ئازار، %0.1ـی هیلالی مانگ دەردەکەوێت و تا کاتی نوێژی شێوان، تەمەنی هیلالی مانگ دەبێتە 13 بۆ 14 کاتژمێر و ئەوکات دەتواندرێت بە بەکارهێنانی تەلیسکۆپ ببیندرێت.
سالار حاجی عەلی پێشبینیکرد، ڕەمەزانی ئەمساڵ 30 ڕۆژ بێت، هەروەها ئاماژەی بەوەشدا، “ئەگەر هیچ ڕێگرییەک نەیەتەپێش، ڕۆژی 20ی ئازاری 2026، دەبێتە یەکەم ڕۆژی جەژن.”
