لە شارەوانیی قەڵادزێ، مامەڵەی هاوبەشیی ئاو، کارەبا و ئاوەڕۆ مەرجداردەکرێت.
سەرۆکایەتیی شارەوانیی قەڵادزێ بڵاویکردەوە، هاوڵاتییان ئاگاداردەکەینەوە، لەپێناو زیادکردنی رێژەی سەوزایی و ژینگەیەکی باشتر و تەندروستتر بۆ شارەکەمان، بۆ لەمەودوا، پێش ئەوەی سەبارەت بە مامەڵەکانی هاوبەشیی ئاو، هاوبەشیی کارەبا و هاوبەشیی ئاوەڕۆ سەردانی بەڕێوەبەرایەتییەکەمان بکەن، ئەگەر خانووەکە لە کۆڵاندا بوو، مەرجە دوو نەمام لەبەردەم خانووەکەتدا بچێنیت.
ئەوەشی خستەڕوو، بەڵام ئەگەر خانووەکە روکن بوو، مەرجە هاوڵاتییەکە چوار نەمام بچێنێت، پێش ئەوەی سەردانی بەڕێوەبەرایەتییەکە بکات، بە پێچەوانەوە ئەگەر هاوڵاتییەکە نەمامی نەچاندبوو مامەڵەکەی دەوەستێت.
