وەزیری دەرەوەی فەڕەنسا رایگەیاند، پەیوەندییە دووقۆڵییەکانی فەڕەنسا و عێراق چووەتە قۆناغێکی نوێوە، هاوکات پاڵپشتیی وڵاتەکەی بۆ عێراق دووپاتکردەوە.
ژان نۆیڵ بارۆ، وەزیری دەرەوەی فەڕەنسا لە کۆنفرانسێكی رۆژنامەوانیی هاوبەشدا لەگەڵ وەزیری دەرەوەی عێراق، لە بەغداد رایگەیاند، ناوچەکە گرژی و ئاڵۆزیی بەخۆیەوە دەبینێت و مەترسیی راستەقینەی پەرەسەندنی سەربازیی هەیە.
باسی لەوەشكرد، “پەیوەندییە دووقۆڵییەکانی نێوان فەڕەنسا و عێراق چووەتە قۆناغێکی نوێوە و بەردەوام دەبین لە پاڵپشتیکردنی عێراق.”
ژان نۆیڵ بارۆ جەختیکردەوە کە ”سەقامگیریی عێراق” بۆ ناوچەکە ”گرنگە”، لە ئێستاشدا بووژانەوەیەکی ”ئومێدبەخشانە” لە ئارادایە.
