وتەبێژی بازاڕی دۆلارەکەی سلێمانی، دۆخی ئێستای زیو هەستیارە و مامەڵەکردن بەو کانزایەوە خەتەرە و سەرکێشییە.
جەبار گۆران، وتەبێژی بازاڕی دۆلارەکەی سلێمانی لە لێدوانێکدا راگەیاند، پێشبینییەکانی هاوڵاتییان لەبارەی نرخی زیوەوە هەڵەیە، لە کاتی ئەم بەرز و نزمییە زۆرەدا، باشترە تەنیا بینەربن.
وتیشی، ئێستا کاتی کڕینی زیو نییە و دەستبردن بۆ ئەو مامەڵەیە خەتەرە و قومارە، چونکە ئەوەی بەسەر نرخی زیودا هاتووە داڕمانە و دەبێت چاوەڕێبین تاوەکو بزانین لە کوێدا خۆی دەگرێتەوە و جێگیردەبێت.
ئەوەشی خستەڕوو، لە مامەڵەی زیودا تەنیا ئەوانە قازانج دەکەن کە ئەزموونێکی زۆریان هەیە و شارەزان، هاوڵاتییانی دیکە بەهۆی ئەوەی کە ئەزمونیان نییە تووشی زیانێکی زۆر دەبن.
