دەزگای ئاسایشی هەرێمی کوردستان بکوژی هاوڵاتییەکەی پیرەمەگرونی راگەیاند.
دەزگای ئاسایشی هەرێمی کوردستان بڵاویکردەوە، پاش ئەوەی دوێنێ 27ی کانوونی دووەمی 2026، لە شارۆچکەی پیرەمەگرون هاوڵاتییەک کوژرا، دوای بەدواداچوونەکانی بەڕێوەبەرایەتیی گشتیی ئۆپراسیۆنەکانی ئاسایش و بەڕێوەبەرایەتیی لێکۆڵینەوە لەسەر رووداوەکە، دەرکەوت تۆمەتبارێک بەمەبەستی بردنی بڕێک پارە، بەچەکی جۆری دەمانچە هاوڵاتی زیاد محەمەدی کوشتووە و مەبەستی بووە دوای ئەنجامدانی تاوانەکە بەرەو دەرەوەی هەرێمی کوردستان هەڵبێت.
ئاماژەی بەوەشکرد، دەستبەجێ دەستکرا بە بەدواداچوون و لێکۆڵینەوەکان بۆ دەستگیرکردنی تۆمەتباری رووداوەکە، توانرا لەماوەی کەمتر لە 24 کاتژمێر، تۆمەتباری بکوژ (ه ، ف، أ )، لەدایکبووی 2006، لەلایەن بەڕێوەبەرایەتیی گشتیی ئۆپراسیۆنەکانی ئاسایش و بەڕێوەبەرایەتیی لێکۆڵینەوە لە شارۆچکەی چەمچەماڵ دەستگیربکرێت.
ئەوەشی خستەڕوو، لە ئێستادا تۆمەتبار بە ماددەی 406، لە یاسای سزادانی عـێراقی راگیراوە و لێکۆڵینەوە لە دۆسیەکەی بەردەوامە.
