بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان بڵاویکردەوە، سبەی شەپۆلی بارانبارین کۆتاییدێت و پلەی گەرمی نزیکەی 4 پلەی سیلیزی نزمدەبێتەوە.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان رایگەیاند، ئەمڕۆ دووشەممە، ئاسمان نیمچەهەور و هەندێک ناوچە هەوری تەواو دەبێت، پاشنیوەڕۆ کاریگەری ئەو شەپۆلەی رووی لە ناوچەکانمان کردووە دووبارە چالاکدەبێتەوە، هەروەها بارانبارین بە شێوەی نمەباران دەستپێدەکاتەوە لەگەڵ بەفربارین ناوچە شاخاوییە بەرزەکان.
باسی لەوەشکرد، بەروارد بە ناوچەکانی دیکە، لە ئیدارەی راپەڕین و بەشێک لە ئیدارەی سۆران رێژەی دابارین زیاتر دەبێت، هەروەها پلەی گەرمی بەراورد بە دوێنێ 2 بۆ 4 پلەی سیلیزی نزمدەبدەبێتەوە.
ئاماژەی بەوەشکرد، سبەى سێشەممە، بارانبارین لە کاتەکانی بەرەبەیان لە زۆربەی ناوچەکانمان کۆتایدێت و ئەگەری دروستبوونی تەم هەیە، لە بەشێک لە سنووری پارێزگاکانی سلێمانی وهەڵەبجە، کەمێک دابارین دەبێت، پاشان لە کاتەکانی نیوەڕۆ کاریگەری ئەم شەپۆلە کۆتایدێت ئاسمان بۆ ساماڵ و پەڵەهەور دەگۆڕێت، هەروەها پلەی گەرمی بەراورد بە ئەمڕۆ 2 بۆ 4 پلەی سیلیزی نزمدەبێتەوە.
