بەگوێرەی ئامارێکی نەخۆشخانەی ژنان و منداڵبوونی سلێمانی، ساڵی رابردوو، نزیکەی 10 هەزار منداڵ هاتوونەتە دونیاوە.
د. تاڤان فاتیح، بەڕێوەبەری نەخۆشخانەی ژنان و منداڵبوونی سلێمانی رایگەیاند، ساڵی 2025، پێنج هەزار و 525 منداڵ بە رێگەی سروشتی هاتوونەتە دونیاوە، کە دەکاتە رێژەی %60، هەروەها چوار هەزار و 320 منداڵ بە رێگەی نەشتەرگەری هاتوونەتە دونیاوە، کە دەکاتە رێژەی %40ی لەدایکبوون.
ئەوەشی خستەڕوو، بەگوێرەی ئامارەکان، ساڵی رابردوو، پێنج هەزار و 96 منداڵی کوڕ و چوار هەزار و 752 منداڵی کچ، لەدایکبوون، هەروەها 179 حاڵەتی دووانە و نۆ حاڵەتی سیانە، لە نەخۆشخانەکە تۆمارکراون.
