هاتوچۆی سلێمانی، رایگەیاند، ئەگەری دروستبوونی شەختە و بەستنی شەقام هەیە و داوا لە هاوڵاتییان و شۆفێران دەکەین لە ماڵەکانی خۆیان بمێننەوە.
بەڕێوەبەرایەتیی هاتوچۆی سلێمانی، رایگەیاند، بە لەبەرچاوگرتنی راپۆرتەکانی کەشوهەوا و بەهۆی دابەزینی پلەی گەرمی، ئەگەری دروستبوونی شەختە و بەستنی شەقام و گۆڕەپانەکان، داوا لە سەرجەم شۆفێران و هاوڵاتییان دەکەین بەیانیی زوو تاوەکو کاتەکانی نیوەڕۆ کەشوهەوا سەقامگیر دەبێتەوە لە ماڵەکانیان نەیەنە دەرەوە.
دەشڵێت، دروستبوونی شەختە و بەستنی شەقام و گۆڕەپانەکان دەبێتە هۆی خلیسکان و لەدەستدانی کۆنتڕۆڵی ئۆتۆمبێل، بۆیە چاوەڕێ بکەن تاوەکو کاتەکانی نیوەڕۆ شەقامەکان ئاسایی دەبنەوە.
