لیژنەی باڵای ئەمنیی راپەڕین رایدەگەیەنێت، لەپێناو دەربڕینی ئاهەنگ و خۆشی، بەبۆنەی هاتنی ساڵی 2026ەوە، بەشێوازێکی ئارام و دوور لە هەر توندوتیژییەک، پێویستە هاوڵاتییان رەچاوی ئەم خاڵانە بکەن و جێبەجێیان بکەن:
– سەرجەم هێزە ئەمنییەکانی سنووری ئیدارەی راپەڕین لە حاڵەتی ئامادەباشیدا دەبن بۆ پاراستنی ئارامی، ئاسایش و سەروماڵی هاوڵاتییان و شوێنە گشتیەکان.
– بەهەموو شێوەیەک تەقەکردن قەدەغەیە.
– لێخوڕینی ئۆتۆمبێل بەشێوازێک کە سەرپێچی یاسا و رێنماییەکانی هاتوچۆ بێت، قەدەغەیە.
– بەرتەسککردنەوەی رێگەکانی پیادەڕۆی و شۆفێری لە شوێنە گشتییەکان و ئەو شوێنانەی چالاکی هونەریی تێدا ئەنجامدەدرێت بە هەموو شێوەیەک قەدەغەیە.
– تێکدانی ئارامی و نانەوەی پشێوی، بەهەر شێوەیەک، بەرامبەر بە هاوڵاتییان قەدەغەیە.
