شارەزایەکی بواری کەشناسی رایدەگەیەنێت، سبەی یەکشەممە، بەفربارین لە بەشێک لە ناوچەکان دەستپێدەکات.
پشتیوان پێنجوێنی، شارەزای بواری کەشناسی بە تۆڕی میدیایی ئێستای راگەیاند، مەودای نیوەڕۆ بۆ کاتژمێر 9ـی سبەی شەوی یەکشەممە لەسەر دووشەممە، لە سەنتەری شاری سلێمانی هەندێک کات باران و بەفر بە تێکەڵی دەبارێت.
ئاماژەی بەوەشکرد، ئەگەرێکی بەهێزە بەفری تەواویش ببارێت، بە هۆکاری زووگەیشتنی سەرما بەهێزەکە.
ئەوەشی خستەڕوو، لە ناوچەی جیاجیاش، ئەگەری روودانی لافاو هەیە و دەبێت حکومەت و لایەنی پەیوەندیدار ئامادەکاری بکەن بۆ رووبەڕووبوونەوەی هەر حاڵەتێکی نەخوازراو.
