ئیدارەی راگەیاندنی وزەی ئەمریکا ئاشکرایدەکات، عێراق تاوەکو مانگی نۆی ئەمساڵ، زیاتر لە 67 ملیۆن بەرمیل نەوتی خاوی هەناردەی ئەمریکا کردووە.
ئیدارەی راگەیاندنی وزەی ئەمریکا خشتەیەکی بڵاوکردەوە و تێیدا ئەوە خراوەتەڕوو، هەناردەی نەوتی عێراق بۆ ئەمریکا، لە مانگی یەکەمی ئەمساڵەوە تاوەکو مانگی نۆی ئەمساڵ، گەیشتووەتە 67 ملیۆن و 977 هەزار بەرمیل نەوتی خاو.
ئەوەشی خستەڕوو، مانگی هەشت، عێراق زۆرترین بڕی نەوتی هەناردەکردووە و مانگی دووش کەمترین بڕ هەناردەکراوە.
