سەعدی پیرە رایدەگەیەنێت، رێگریکردن لە رۆژنامەنووسان و میدیاکاران، سنووردارکردنی ئازادییە.
سەعدی پیرە، ئەندامی مەکتەبی سیاسیی یەکێتیی نیشتمانیی کوردستان لە لێدوانێکدا ئاشکرایکرد، “رێگریکردن لە رۆژنامەنووسان و کاری میدیایی، ترسنۆکانە و خراپە، نابێت لە هیچ بارودۆخێکدا رۆژنامەنووسان تێکەڵ بە ململانێ سیاسییەکان بکرێن و کارێکی دروست نییە”.
وتیشی، “ئەگەر لایەنە سیاسییەکان نەگەنە رێککەوتن و کێشەیان هەبێت، عەیبەکە لە میدیا و رۆژنامەنووسان نییە، بەڵکو عەیبەکە لە شێوازی بیرکردنەوەی لایەنە سیاسییەکانە”
جەختیشیکردەوە، “رۆژنامەوانان و میدیاکاران ئازادیی خۆیان هەیە، هەرکاتێک رێگری لە رۆژنامەنووسێک کرا، ئەمە سەلمێنەری ئەو راستییەیە کە ئازادی سنووردار دەکرێت”.
