بافڵ جەلال تاڵەبانی لە رۆژی ئاڵای کوردستاندا رایگەیاند، ئاڵاکەمان ناسنامەمانە، هێمای مانەوە و قوربانیدان و خۆڕاگریمانە، ئێمە بە رۆحی خۆمان پارێزگاری لێدەکەین.
ئەمڕۆ چوارشەممە بافڵ جەلال تاڵەبانی لە پەیامێکدا رایگەیاند، ئاڵاکەمان ناسنامەمانە، هێمای مانەوە و قوربانیدان و خۆڕاگریمانە، بە رۆحی خۆمان پارێزگاری لێدەکەین، بە رێزەوە یادی هەموو ئەو شەهیدانەمان دەکەینەوە کە لەپێناو سەرفرازی و شەکاوەیی ئاڵاکەماندا شەهیدبوون.
ئاماژەی بەوەشکرد، لە رۆژی ئاڵای کوردستاندا ئەوە بیر دەهێنمەوە پێویستە هەموومان جیاوازییەکان قبوڵ بکەین و کار بۆ بونیادنانی داهاتوویەکی گەشتر بۆ خەڵکە خۆشەویستەکەمان بکەین.
