وەزارەتی دارایی هەرێمی کوردستان بڵاویکردەوە، بەبۆنەی نزیکبوونەوەی کۆتایی ساڵ، خەرجی سەرجەم وەزارەتەکان رادەگیرێن.
بەپێی نووسراوێکی وەزارەتی دارایی و ئابووری هەرێم، بەمەبەستی پاکتاوکردنی ژمێریارییەکان و گەیاندنیان بە وەزارەت بڕیاردرا بە راگرتنی سیستمی ئەلیکترۆنی بەڕێوەبردنی دارایی کوردستان.
هەر بەپێی نووسراوەکە بڕیاردراوە بە راگرتنی سەرجەم خەرجییەکان جگە لە مووچە و پێشینەی خەرجکراوی مانگانە و کرێی مانگانەی خاوێنکردنەوە و خواردن.
