بەڕێوەبەری گشتیی تەندروستیی سلێمانی، رایگەیاند، پێویستە حکومەتی هەرێمی کوردستان مووچەی پزیشکانی دەروونی زیادبکات.
د. سەباح هەورامی، بەڕێوەبەری گشتیی تەندروستیی سلێمانی، بە رۆژنامەنووسانی راگەیاند، کێشە دەروونییەکان لە زیادبووندان و لەبەر ئەوەش ئێمە چاوێکی جیاوازمان لە خزمەتگوزارییە دەروونییەکان و پزیشکانی دەروونییە، لە هەوڵداین ئەو خزمەتگوزارییانە زیادبکەین.
وتیشی، “ژمارەی پزیشکانی دەروونی سنووردارە و پێویستە حکومەتی هەرێمی کوردستان مووچەی ئەو پزیشکانە زیادبکات بۆ ئەوەی زیاتر هانبدرێن و سوودی زیاتر لە پسپۆڕییەکانیان وەربگیردرێت”.
