وەزارەتی گواستنەوەی تورکیا رایگەیاند، لە دەریای رەش هێرشكرایە سەر كەشتییەكی بازرگانی.
وەزارەتی گواستنەوە و ژێرخانی توركیا رایگەیاند، كەشتییەكی بازرگانی بە ناوی “مێدڤۆلگا 2” لە دەریای رەش هێرشی کرایەسەر.
دەشڵێت، کەشتییەکە لە دوریی 80 كیلۆمەتر لە كەناراوەكانی توركیاوە كراوەتە ئامانج.
ئاماژە بەوەشدەکات، ئەو كەشتییە لە روسیاوە بەرەو جۆرجیا رۆیشتووە و تاوەکو ئێستاش لە جوڵە نەوەستاوە و بەرەو بەندەری سینۆبی توركیا دەچێت.
ئەوەش دەڵێت، 13 كەس لەنێوکەشتییەکەدان و تائێستا داوای هاوكارییان نەكردووە.
